Gjykata e Posaçme i komunikoi masën e pezullimit nga detyra Granit Gjanes për akuzën e shkeljes së barazisë në tendera.
“Kam dhënë dorëheqjen si prefekt i kukesit për t’u perballur si qytetar i lirë me drejtësinë.”– ka deklaruar Gjana.
SPAK njoftoi ditën e djeshme se Gjykata Kundër Korrupsionit dhe Krimit të Organizuar (GJKKO) ka miratuar kërkesën për pezullimin nga detyra të Granit Gjanës, nën dyshimet se ka kryer veprën penale të “Shkeljes së barazisë në tendera”.
Sipas SPAK-ut, “…ky shtetas me mosveprimet e tij, e konkretisht mospaisjen në kohën e duhur me Autorizimin për tregtimin e lëndëve djegëse, edhe pse subjekti “U. C” shpk, i kishte kryer pagesat e nevojshme dhe dorëzuar dokumentacionin pranë organit shtetëror sipas ligjit, e ka penguar OE-në të kualifikohet në dy procedurat e tenderit me objekt “Blerje karburanti”, në vlerën 21.000.0000 lekë, të organizuara nga Autoriteti Kontraktor Bashkia Kukës përgjatë vitit 2023”.
LEXO EDHE:
Tenderi 21 mln Lekë/ Pezullohet prefekti i Kukësit, Granit Gjana. Favorizoi “Kastratin”
