Vllaznia ka arritur të mposhtë në Durrës skuadrën vendase, Teutën, me rezultatin 0-1.
Prej më shumë se 9 viteve, shkodranët ose kishin humbur, ose barazuar në ndeshjet e luajtura në “Niko Dovana”, por sot ky ngërç psikologjik u kalua.
Për sa i përket sfidës së sotme, goli i vetëm i takimit u shënua nga Ildi Gruda në minutën e 4-t. Sulmuesi doli i vetëm përball me Demën dhe nuk gabon përpara portës.
Pjesa e parë kishte intensivitet, ku nuk munguan faullet. Në të dytën, Vllaznia ishte më pranë golit të dytë, por që nuk e arritën ta realizonin.
Megjithatë, shkodranët marrin tre pikët në shtëpi dhe tashmë renditen në vendin e pestë me 17 pikë, ndërsa Teuta vazhdon të mbetet në vendin e fundit me 12 pikë.
