Kreu i grupit parlamentar në PD, Gazment Bardhi ka akuzuar PS-në se po asgjëson parlamentarizmin.
Në mbledhjen e Konferencës së Kryetarëve, Bardhi u shpreh se në Kuvend ka 83 memec-deputetë që qëndrojnë vetëm si kartona dhe votojnë si ti urdhërojë Rama.
“83 memec deputetët nuk janë këtu për përfaqësuar interesin publik. Por janë këtu si kartona,. Urdhëron partia jeshil e ngrenë jeshil, urdhërona partia të kuq e ngrenë të kuq. Pra siç vjen urdhër i partisë. Deputetët e opozitës nuk janë këtu për këtë”, tha Bardhi.
Bardhi u ndal më tej edhe te minimumi jetik, i cili është 40 mijë lekë të vjetra.
Ai shtoi se me fuqinë e kartonit partia në pushtet rrëzoi mocionin me debat të kërkuar nga opozita, teksa ka akuzuar se PS po tenton të asgjësojë pluralizmin në Kuvend
“Jam, i detyruar që të them se maxhoranca po tenton që të asgjësojë pluralizmin në Kuvend. Në kërkuam një mocion me debat për përcaktimin e minimumit jetik për shqiptarët. Në këtë projektbuxhet cënohen të drejtat kushtetuese të qytetarëve për përcaktimin me ligj të minimumit jetik. Masa e ndihmës për personat e papunë, apo ndihma ekonomike për familjet me të ardhura të ulëta është 40 mijë lekë të vjetra. Zoti Balla do të duhet t’u shpjegoj shqiptarëve; a mund të jetojë zoti Balla me 40 mijë lekë të vjetra. Që të paguaj të gjitha detyrimet, për ujin, energjinë apo ngrohej, apo për ushqim për fëmijët e tyre me këtë ndihmë”, u shpreh Bardhi.
