Reshjet e dëborës janë shtuar ndjeshëm në orët e pasdites së sotme, në rrugën Qafë Thorë-Theth. Siç mund të shikohet edhe në fotot e mëposhtme, rruga është bërë e pakalueshme.
Dëbora ka arritur në disa centimetra dhe shumë automjete janë bllokuar në mes të rrugës.
Raportohet se ende nuk ka shkuar asnjë borëpastruese që të bëjë të mundur lirimin e rrugës, ndërsa nuk dihet sa do të vazhdojnë të presin automjetet e bllokuara në rrugë, ndërkohë që dhe temperaturat janë ulur ndjeshëm.
