Një aksident ka ndodhur mëngjesin e kësaj të diele në Fier në vendin e quajtur “Kryqëzimi i Cakranit”. Një automjet tip “Benz”, ka dalë nga rruga në rrethana ende të paqarta dhe ka përfunduar në një arë në anë të rrugës.
Si pasojë kanë mbetur të plagosur shoferi dhe 3 pasagjerë në mjet, të cilët janë dërguar në spital për ndihmë mjekësore.
“Rreth orës 09:00, në vendin e quajtur “Kryqëzimi i Cakranit”, shtetasi E. K., duke drejtuar automjetin tip “Benz”, ka humbur kontrollin mbi drejtimin e automjetit dhe për pasojë automjeti ka dalë nga rruga. Si pasojë e daljes nga rruga, është dëmtuar shtetasi E. K dhe tre pasagjerët, të cilët po kryejnë ekzaminimet mjekësore në spitalin rajonal Fier”,- njofton Policia.
Grupi hetimor po punon për zbardhjen e plotë të shkaqeve të aksidentit.
