Pas aksonit për bllokimin e punimeve normale të Kuvendit nga deputetët e opozitës, socialistët duket se kanë parë si rrugëzgjidhje zhvillimin e komisioneve në distancë.
Kuvendi ka njoftuar sot shtyrjen e mbledhjes së Komisionit të Ekonomisë dhe zhvillimin e saj online në orën 16:15.
“Ju njoftojmë se mbledhja e sotme e komisionit për Ekonominë dhe Financat do të zhvillohet online në orën 16:15. Mbledhjen mund ta ndiqni në FB dhe faqen web të Kuvendit“, thuhet në një njoftim të Kuvendit.
PD nga ana tjetër kundërshton vendimin, duke iu referuar rregullores së Kuvendit që parashikon se mbledhjet online mund të kryhen vetëm “në rastet e masave të jashtëzakonshme që mund të vendosen për shkak të gjendjes së luftës, gjendjes së jashtëzakonshme ose gjendjes së fatkeqësive natyrore”.
Ne reagimin e Grupit te PD thuhet:“Nuk dihet nëse PS ka shpallur gjendjen e luftës apo të jashtëzakonshme, por kjo procedurë e mbledhjeve online lejohet vetëm në ato raste”.
Nga kampi tjetër, deputetë socialistë u shfaqën të relaksuar para nisjes së mbledhjes. Deputeti Erion Brace postoi një video në rrjet sociale ku ai bashkë me kolegë ishin mbledhur rreth një tavoline në pritje për tu ëmbëlsuar me bakllava, teksa nuk munguan romuzet ndaj kolegëve demokratë.
View this post on Instagram
