Një rast i paprecedentë ka ndodhur në Greqi, ku një shtetas shqiptar ka kërcënuar një mjek.
Mediat e huaja shkruajnë se ngjarja ka ndodhur pasditen e së mërkurës brenda spitalit, “G. Gennimatas” të Selanikut ku pacienti 31-vjeçar kishte shkuar për të “caktuar” termin para operacionit.
Kur mjeku 45-vjeçar e informoi se takimi i disponueshëm është për vitin e ardhshëm, ai ka nisur kërcënimet ndaj tij. “Më opero tani se të ngula thikën”,- mësohet të ketë thënë shqiptari.
Në këto rrethana, mjeku ka kontaktuar policinë dhe burri me origjinë shqiptare është arrestuar. Ndaj tij është ngritur procedim penal për kanosje. Sipas informacioneve, bëhej fjalë për një operacion ortopedik, pas një operacioni tjetër të mëparshëm.
