Qëndresa Qytetare ka denoncuar ditën e sotme se si qeveria ka fryrë abuzuvisht kostot e llogaritura për studentët e mjeksëisë duhet të paguajnë nëse largohen nga Shqipëria.
Duke e faktuar edhe me dokumente, sipas Qëndresës Qytetare, që prej vitit 2019, Bordi i Administrimit të Universitetit të Mjekësisë, ka përllogaritur se kostoja e një studenti mjekësie për një vit është rreth 2300 euro.
Por, në relacionin shoqërues të ligjit, ku i detyron studentët e mjekësisë të qëndrojnë 5 vite në Shqipëri pas përfundimit të studimeve, vlera është fryrë në mënyrë abuzive, rreth 3 herë më shumë duke e çuar në 6500 euro.
Sipas Qëndresës Qytetare, ky informacion i pasaktë, ka ndikuar tek qindra studentë për ti qëndruar larg Universitetit të Mjekësisë për shkak të pamundësisë financiare duke marrë në konsideratë universitetet private, tarifa e të cilëve shkon në vlerën 6500 euro apo për të zgjedhur studimet jashtë vendit.
Qëndresa Qytetare i është drejtuar me një kërkesë deputetëve të Kuvendit dhe Komisionit të Edukimit në Parlament, ku u kërkon që të verifikojnë mbi vërtetësinë e informacionit të përcjellë nga qeveria dhe të nisin procedurën hetimore ndaj Kuvendit të Republikës së Shqipërisë.
Kujtojmë se ky vit akademik i ka gjetur studentët e mjekësisë sërish në rrugë për të protestuar kundër ligjit të miratuar nga mazhiranca me 71 vota pro, që i detyron ata të qëndrojnë 5 vite në Shqipëri pas përfundimit të studimeve.
Pak ditë më parë, ata iu drejtuan Ministrisë së Arsimit më 3 kërkesa. Ata kërkuan një takim përballje me Ministren e Ogerta Manastirliu, dorëheqjen e zëvendësministres Albana Tole pas deklaratave kundër protestës si edhe më shumë përkrahje për nga qeveria për universitetin.
Postimi i plotë i Qëndresës Qytetare në rrjetet sociale:
QQ: UMT përllogariti koston e një studenti, 2300 euro/viti, gati 3 herë më e ulet se realcionin i qeverisë 6500 euro
Qëndresa Qytetare: Ligji per mjeket e rinj, Parlamenti ka marrë vendim mbi kosto të pasakta
QQ thirrje Parlamentit: Te merren masa dhe të hetohet për mashtrim të Kuvendit të Republikës
QQ: Spekulimi i qeverisë për koston e studimeve 6500 euro, solli rënien e kërkesës së studenteve për të ndjekur studimet në UMT.
Bordi i Adminsitrimit të Universitetit të Mjekësisë Tiranë sot përllogariti koston e një studenti mjekësie në vlerën 2200 euro.
Qëndresa Qytetare, pas këtij vendimi dhe një korrespodence të mëparshme me UMT për nivelin e ksotos, konstaton se Këshilli i Ministrave u ka dërguar deputetëve të Kuvendit të Shqipërisë një informacion të pasaktë në realcionin shoqërues të ligjit, ku theksohej se kostoja e një student në mjekësi i kushton shtetit shqiptar rreth tre herë më shumë se kaq, pra 6500 euro. Në korenspondencën e mbajtur me UMT, tregohet në mënyrë shkresore se ky unviersitet prej vitit 2019 ka përllogaritur të njëjtën kosto studimi, pra rreth 2300 euro.
Nisur nga kjo situatë, Qëndresa Qytetare në funksion të transaprencës dhe llogaridhënies së qeverisë dhe parlamentit, i kërkon deputetëve të Kuvendit dhe Komisionit të Edukimit në Parliament të verifikojnë mbi vërtetësinë e informacionit të përcjellë nga qeveria dhe të nisin procedurën hetimore për mashtrim të Kuvendit të Republikës së Shqipërisë.
Ky informacion i pasaktë jo vetëm që ka shëqrbyer si indikacion për deputetët që të marrin një vendim për miratimin e këtij ligji, por ka ndikuar tek qindra studentë për ti qëndruar larg Universitetit të Mjekësisë për shkak të pamundësisë financiare duke marrë në konsideratë universitetet private, tarifa e të cilëve shkon në vlerën 6500 euro apo për të zgjedhur studimet jashtë vendit.
Bashkelidhur dokumentat shoqerues
