Nënkryetari i Partisë Demokratike Luçiano Boçi e ka komentuar përjashtimin e Gazmend Bardhit si veprim absurd nga ana e Lulëzim Bashës. Ai thekson se veprimet e Bashës janë qartësisht të lexueshme për përçarje të Partisë Demokrartike.
Boçi u bën thirrje deputetëve të grupit të Bashës për një bashkim me Partinë Demokratike të vërtetë për të dhënë kontrutin e tyre politik në mënyrë që të ketë një përshpejtim të veprimit gjyqëros në unifikim të opozitës.
“Bashkimi është një proces që ka stadet e tij, pengesat e tij, por mos harrojmë që përpjekjet për bashkim nuk janë sot dhe 4 javë më parë por janë sot e dy vite më parë dhe ky proces duhet përfunduar. Kam cilësuar të mos shihet as mbrapa, as anash por të vazhdohet në një proces real në një politikë bashkimi pasi edhe parashikimet për veprimet absurde të Bashës ishin të lexueshme dhe ishin në tavolinë. I intereson atij që të mbajë një pjesë të vogël të një force politike, të konfirmohet vetë si lider i asaj pjese dhe pjesa tjetër pastaj nuk i intereson, as pjesa e demokratëve e as pjesa e bashkimit pasi kjo është dëshmuar edhe në përjashtimin e fundit. Unë do kisha shumë dëshirë që zoti Bardhi të prevalonte në këtë llojë gare kur njëri aspiron për bashkim dhe tjetri aspiron për përçarje dhe duket se për momentin ky aspirimi për përçarje është më i fortë dhe ka prevaluar, por sido që të jetë ka një gjë të rëndësishme që ai ka një emër.
Nuk mjafton të rrimë thjeshtë në stadin e deklaratave, duhet të kalojmë në stadin veprimeve dhe këtu duhet të kishte një pararendje më të madhe. Nuk ka ndodhur kjo pararendje sepse ka pengesa, ka trysni, ka presione të cilat janë të kuptueshme. Këtu ka mjaftë hapësirë që partia reale demokratike të krijojë grupin më të madh parlamentar, të kërkojë njohjen e tij të plotë dhe të vazhdojë me vendimmarrjen e saj. Kjo krijon edhe një precedentë juridik për të ndihmuar edhe në vendimmarrjen e gjykatës së lartë me qëllim që edhe vula ehde logoja e partisë demokratike të shkojë në drejtimin e duhur, në shumicën e vullnetit të demokratëve. Është një pjesë që ndihmon në vendimmarrjene gjykatës që me pavendosmërinën e saj e ka futur në kolaps çështjen juridike të partisës demokratike. Nuk është çështje paaftësie, nuk është çështje procedurash gjyqësore, është çështje trysnim politik të atij kontrolli që vjen nga mazhoranca , të atij sulmi që vazhdon për ta demoluar opozitën.
Basha me atë absurdin e atij, me mungesën e arsyes do vazhdojë sagën e përjashtimeve por me djallëzinë politike do ruajë balancën midis atyre që janë formalisht pjesë e grupit parlamentar të PD-së, sic pretendon ai të njihet nga kryetarja e kuvendit, me pjesën tjetër që janë të përjashtuar. Siç u ndoq rikthimi apo pjesa për rikthimin e zotit Bylykbashi, të ndiqet kërkesa për rikthimin e të gjithë deputetëve të përjashtuar, të mos ketë hezitime. Unë i kuptojë hezitimet, e di ku mbështeten në një emër të caktuar por këtu zarat janë hedhur e loja dihet tashmë. Dihet qëndrimi që do mbajë zoti Basha me grupin e tij, të cilëve vazhdimisht une edhe nga kjo studio i bëjë thirrje të bashkohen me grupin e partisë demokratike apo me shumicën e demokratëve dhe të vazhdojnë kontributin e tyre politik dhe tek e fundit kanë marrë mbështetjen e votave të demokratëve . Një veprim i tillë politik do të përshpejtonte dhe veprimin gjyqësor”, tha Boci per Syri tv.