Policia Rrugore e Elbasanit ka ushtruar kontrolle në të gjitha akset rrugore të qarkut. Si pasojë, janë arrestuar tetë shoferë dhe janë vendosur gjoba të shumta për shkelje të rregullave të qarkullimit rrugor.
Shoferët akuzoher për: qarkullim me shpejtësi tej normave të lejuara, parakalime të gabuara, mosvendosjen e rripit të sigurimit, përdorim të celularit gjatë drejtimit të mjetit, si dhe për mosvendosje të kaskës mbrojtëse.
“Gjatë javës që lam pas, janë arrestuar 8 drejtues mjetesh dhe motomjetesh, për drejtim të mjetit, në gjendje të dehur dhe/ose pa leje drejtimi.
Gjithashtu, si rezultat i monitorimit të akseve rrugore të qarkut, me shërbime të shtuara dhe me pajisje të logjistikës bashkëkohore:
- Janë ndëshkuar 843 drejtues mjetesh, për qarkullim me shpejtësi tej normave të lejuara;
- Janë ndëshkuar 322 drejtues mjetesh, për parakalime të gabuara;
- Janë ndëshkuar 167 drejtues mjetesh, për përdorim të celularit, gjatë drejtimit të mjetit;
- Janë ndëshkuar 63 drejtues motomjetesh për mosvendosje të kaskës mbrojtëse;
- Janë ndëshkuar 224 drejtues automjetesh, për mosvendosjen e rripit të sigurimit;
- Janë ndëshkuar 338 drejtues automjetesh, për shkelje të ndryshme të Kodit Rrugor”,- njofton Policia.
Policia Rrugore e Elbasanit vijon kontrollet në të gjitha akset rrugore urbane, interurbane dhe rurale, me qëllim rritjen e parametrave të sigurisë rrugore.