Nga shpërthimi i konflikti në Rripin e Gazës deri tani raportohet për të paktën 22 persona të vdekur dhe mbi 500 të tjerë të plagosur.
Kështu raportojnë mediat vendase, pas sulmit të grupit militant të Hamasit të cilët lëshuan dhjetëra raketa në Izrael mëngjesin e 7 tetorit, raporton Al Jazzera.
Kryeministri i Izraelit Benjamin Netanjahu iu drejtua kombit me një video të platformën “X”, duke thënë se vendi është në luftë dhe se armiku do të paguajë çmim të shtrenjtë për sulmin me raketa.
“Armiku ynë do të paguajë një lloj çmimi që nuk e ka ditur kurrë”, tha Netanyahu në një deklaratë.
Sulmi vjen në kohën kur në Izrael po shënohet një festë fetare hebreje.
Po ashtu vjen pas një periudhe të luftimeve intensive në Bregun Perëndimor, ku pothuajse 200 palestinezë janë vrarë nga ushtria izraelite gjatë bastisjeve këtë vit.
Izraeli ka mbajtur një bllokadë strikte në Gaza që kur Hamasi mori territorin në vitin 2007. Kufizimi i lëvizjes së mallrave dhe njerëzve ka shkatërruar ekonominë në Gaza, por Izraeli ka thënë se bllokada është e nevojshme për të parandaluar që armët të arrijnë te grupet militante.
Izraeli ka pushtuar Bregun Perëndimor më 1967 gjatë luftës gjashtëditore.
