Një turist zvicerian i cili kishte humbur orientimin në Karaburun, është gjetur, mbrëmjen e kësaj të hëne.
Turisti kishte qënë duke eksploruar zonën, dhe ishte shkëputur nga grupi i tij. Ai është lokalizuar më vonë pasi disa orësh kërkime nga policia dhe ndodhet në gjendje të mirë shëndetësore.
“Menjëherë pas marrjes së njoftimit se një turist që po eksploronte me këmbë, gjirin e Shën Andreas, ishte bllokuar në këtë zonë, për shkak se kishte humbur orientimin, shërbimet e Policisë Kufitare kanë organizuar punën për t’i shkuar në ndihmë atij.
Shërbimet e Policisë Kufitare kanë bërë të mundur lokalizimin e turistit nga Zvicra, dhe më pas e kanë shoqëruar atë, në Dhërmi, me mjetin e Policisë Kufitare.
Turisti, është në gjendje të mirë shëndetësore”,– njofton Policia.
