Në ambientet e Kuvendit është mbledhur Konferenca e KryetarëveNë mbledhje po diskutohen kërkesat e opozitës për ngritjen e Komisioneve Hetimore, për koncensionet në shëndetësi dhe komisioni hetimor për trajtimin e te dhënave personale.
Kryetari i Grupit te Partisë Demokratike, Gazment Bardhi, tha se maxhoranca nuk mund të shkelë Kushtetutën e Shqipërisë dhe të pengojë ngritjen e komisioneve hetimore.
“Nëse keni pretendime për objektin, hajdeni ta riformulojmë. Por ju kërkoni të mohoni të drejtën e opozitës duke shkelur Kushtetutën e Shqipërisë. Po shkelni çdo parim demokratik, duke i mohuar opozitës çdo hapësirë. Është kushtetuta, që i garanton opozitës të drejtat për komisionet hetimore”, tha Bardhi.
