Një tentativë eliminimi ndaj tij dyshohet të ketë shtyrë Artan Tafanin të rrëfejë për hetuesit një sërë krimesh të kryera nga grupi ku ai bënte pjesë dhe që drejtohej nga Laert Haxhiu.
Sipas burimeve pranë grupit hetimor, Tafani ka deklaruar se dy persona të paidentifikuar kanë dashur ta vrisnin. Përballë kësaj situate, teksa kishte kuptuar se donin ta ekzekutonin, Artan Tafani ka vendosur të rrëfehej pas arrestimit për grabitjen në Astir. Ai ka kërkuar që t’i sigurohet familja dhe është shprehur se është i gatshëm të bëjë burg përjetë për krimet e kryera.
Këtë të enjte, kryepolici Muhamet Rrumbullaku zbuloi rezultatet e operacionit që erdhi pas rrëfimit të Tafanit, që çoi në arrestimin e 12 personave dhe shpalljen në kërkim të 4 të tjerëve.
Tafani ka rrëfyer si se grupi kriminal ka kryer 6 vrasje dhe disa krime të tjera të rënda, si tentativë vrasje, shpërthim me eksploziv, grabitje, etj.
Emrat që kryesojnë këto ngjarje të rënda të ndodhura përgjatë këtyre 5 viteve të fundit në qytete të ndryshm të vendit, është ai i Laert Haxhiut, ashtu sikurse edhe i Artan Tafanit, personit i cili bashkëpunoi me autoritetet pas arrestimit, për zbardhjen e ngjarjeve në fjalë.
Personat e arrestuar
1. Artan (Marjus) Tafani
2. Lulzim Spahija (Arapi)
3. Ligor Romacka
4. Erisiano Abedini
5. Bledar Berberi
6. Maringlen Topuzi
7. Bujar Abedini
8. Enriko Xhahysa
9. Klea Gjata
10. Idriz Manej
11. Fatjon Veliu
12. Laert Haxhiu
Në kërkim:
13. Lorenc Lala
14. Firdeuss Berberi
15. Kristi Bixheku
16. Ederin Caushi
