Një vrasje me armë zjarri ka ndodhur pak pas mesnate në Sukth.
Blutë bëjnë me dije se viktimë ka mbetur shtetasi Fatjon Dervishi, i cili është qëlluar me armë nga persona ende të paidentifikuar dhe ka humbur jetën rrugës për në spital.
Ende nuk dihen shkaqet dhe rrethanat e ngjarjes, priten zhvillime të mëtejshme në vazhdim.
Njoftimi i Policisë
Në Katund, Sukth, tek shinat e trenit, nga persona ende të paidentifikuar është qëlluar me armë zjarri shtetasi F.D, 38 vjeç, i cili u transportua menjëherë në spital për ndihmë mjekësore, por si pasojë e plagëve të marra ka ndërruar jetë në spital.
Shërbimet e Policisë me marrjen e njoftimit kanë shkuar menjëherë në vendngjarje.
Në ndihmë të Policisë vendore janë nisur dy grupe të Fnsh-së Tiranë. Grupi hetimor ka shkuar në vendngjarje dhe në bashkëpunim me Prokurorin vijon veprimet për zbardhjen dhe dokumentimin e rrethanave të ngjarjes, me qëllim identifikimin dhe kapjen e autorit/ve. Ndërkohë shërbimet e Policisë kanë ngritur pika kontrolli dhe vijon krehja e zonës.
