Kryetarja e komisionit të shëndetësisë, Zhani Gjergji ka folur për koncesionet korruptive në shëndetësi.
Gjergji është shprehur se opozita do të bëjë gjithçka për të çuar përpara drejtësisë të gjithë personat e përfshirë në këtë mega-vjedhje të parave të shqiptarëve.
“Opozita duke ratifikuar të gjithë aksionin e saj politik në vazhdën e saj ka kërkuar ngritjen e komisioneve hetimore për shëndetësinë që është mbështetur nga ana e të gjithë deputetëve.
Me kërkesën e deputetëve i kërkuam Nikollës të ngrejë komisionet hetimore për koncesionet në shëndetësi të cilat do ët nxjerrin përgjegjësitë institucionale dhe do të ndikojë të marrë masat e përshtatshme në drejtim të mbrojtjes së buxhetit të shtetit dhe ligjshmërisë.
Besoj se forca e komisioneve hetimore parlamentare është e madhe dhe vendos përpara përgjegjësisë të gjithë institucionet përgjegjëse dhe personat e përfshirë në këtë vjedhje, PD i ka cilësuar si korruptive të katër koncesionet në shëndetësi dhe dora e Ramës ka bllokuar hetimet e drejtësisë për këto koncesione korruptive.
Opozita sot ka dorëzuar kërkesën dhe presim mbledhjen e konferencës të kryetarëve për të marrë parasysh këtë kërkesë dhe nga ky moment ne do të jemi në aksion opozitar dhe fjala jonë në rendin e ditës do të drejtohet vetëm në zbardhjen e kësaj vjedhje nga koncesionet në shëndetësi”, tha Gjergji per Syri tv.
