Shkencëtarët kanë zbuluar një tjetër efekt anësor të rrallë të Covid. Zbulimi vjen pasi një burrë vdiq, pasi atij ju zhvillua një sëmundje e rrallë e trurit pasi u infektua me infeksion viral, raporton The Sun.
62-vjeçari u shtrua në Qendrën Spitalore Sinai Queens, në SHBA , pasi shfaqi simptoma të përkeqësimit “të shpejtë” të trurit, duke përfshirë vështirësi në ecje.
Mjekët fillimisht menduan se ai vuante nga demenca , por testet për sëmundjen dolën negative.
Pasi zbuluan se simptomat e tij u shfaqën pas një infeksioni të rëndë Covid, mjekët e testuan atë për disa kushte të tjera neurologjike të cilat më parë janë shoqëruar me sëmundjen.
Disa studime kanë gjetur se goditjet në tru , konvulsionet , problemet e kujtesës dhe Parkinson janë ndër problemet që vuajnë pacientët pas infektimit me virusin.
Pacienti u përkeqësua shpejt dhe vdiq për shkak të përparimit të shpejtë të gjendjes së tij.
Mjekët shkruan: “Ndërsa raste të tilla ka shumë të ngjarë të jenë për shkak të Covid-19, nuk ka asnjë provë të qartë përtej gjetjeve të rastësishme.
“Studimet e ardhshme mund të kërkohen për të vendosur këtë korrelacion.”
Ata nuk detajuan pse Covid mund të kishte shkaktuar sëmundje prion tek njeriu i paidentifikuar.
Sëmundjet e Prionit janë një grup kushtesh të rralla dhe fatale të shkaktuara nga proteina prion e cila shkakton dëmtim të trurit që përkeqësohet me shpejtësi me kalimin e kohës.
Simptomat e hershme përfshijnë:
humbja e intelektit dhe e kujtesës
ndryshime në personalitet
humbja e ekuilibrit dhe koordinimit
të folurit të paqartë
problemet e shikimit dhe verbëria
lëvizjet anormale dridhëse
humbje progresive e funksionit dhe lëvizshmërisë së trurit
