Ka ndërruar jetë rrugës për në spitalin e Traumës në Tiranë drejtuesja e mjetit e cila u aksidentua mëngjesin e sotëm në aksin rrugor Mbikalimi i Patokut-Laç.
Viktima është shtetasja M. M. 32 vjeçe, e cila fatkeqësisht nuk ka arritur dot t’u mbijetojë plagëve të marra. Sipas autoriteteve zyrtare, e reja ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.
Njoftimi:
Rreth orës 07:35, në aksin rrugor Mbikalimi i Patokut-Laç, shtetasja M. M. 32 vjeçe, ka humbur kontrollin mbi drejtimin e automjetit dhe për pasojë automjeti ka dalë nga rruga duke rënë në kanalin anësor të rrugës i cili ishte i mbushur me ujë.
Drejtuesja e automjetit është transportuar për në Spitalin e Traumes Tiranë për ndihmë të specializuar mjekësore, por rrugës ka humbur jetën. Grupi hetimor në vendin e ngjarjes vijon veprimet hetimore për zbardhjen e plotë të rrethanave të ngjarjes.
