Pas fitores ndaj Dinamos në “Elbasan Arena”, Tirana do të kërkojë fitoren e dytë radhazi në kampionat dhe sot luan përballë Teutës në transfertë duke filluar nga ora 19:00.
Te Tirana ka vetëm tri dilema sa i përket formacionit.
Trajneri Orges Shehi ka provuar në qendër të mbrojtjes gjatë javës herë Najdovskin dhe herë Lulajn, krahas Hoxhallarit, që duket se e ka të sigurt vendin.
Në balotazhin Najdovski-Lulaj, duket se ky i fundit është më i preferuar për formën që po kalon.
Gjithsesi, kjo mbetet për t’u parë, pasi klubi duhet të paguajë për shlyerjen e pjesës së mbetur të dënimit të mbrojtësit nga Disiplina. Edhe Doka me Haxhiun luftojnë për një vend në krahun e djathtë të mbrojtjes.
Ndërkohë, në sulm ka sërish një balotazh në majë, me Kainën dhe Hasanin. Shanset janë më të mëdha që golashënuesi kosovar ta nisë nga minuta e parë në Durrës. Pjesa tjetër e formacionit do të jetë e njëjtë si në ndeshjen ndaj Dinamos.
Formacioni i mundshëm i Tiranës:
4-3-3: Lika; Doka, Lulaj, Hoxhallari, Përgjoni, Jonuzi, Hila, Lushkja, Abazaj, Hasani (Kaina), Latifi
