Deputeti i Partisë Demokratike Dashnor Sula ka ironizuar ndryshimet statutore të miratura në Kuvendin Kombëtar të vulës, i thirrur nga Lulzim Basha, ku parashikohet blindimi i pushtetit të partisë nga kryetari i saj.
Nëpërmjet një postimi në rrjeteve sociale, Sula shkruan me irnoni se demokratët nuk erdhën dot në pushtet, pasi Basha donte të bëhej edhe kryetar i Grupit Parlamentar. Më tej deputeti demokrat shkruan se i vetëshpalluri lider, duke iu referuar Bashës, kërkon kufizim te mandatit te kreut të qeverisë por këtë praktik nuk e nis nga kryetari i partisë dhe shmang nga çdo përgjegjësi humbjet në zgjedhjet.
“Prandaj s’paska ardhur PD ne pushtet sepse ish-kryetari paska dashur të bëhet kryetar grupi. Ndarja nga e kaluara dhe demokratizimi i partisë domethënë paska qenë përqëndrimi i pushteteve te një individ?! Asnjëherë nuk e humb mundësinë për tu bërë qesharak sa herë që del në publik. -Ne paskemi qenë lodhur kot për ta bërë kryeministër, ai dashka vetëm Kryetar Grupi. Si ka mundësi që i vetshpalluri lider perëndimor kërkon kufizim te mandatit te kreut të qeverisë por këtë praktik nuk e nis nga kryetari i partisë, madje e shmang nga çdo përgjegjësi për humbjen e zgjedhjeve. Mbi një vit i shkëputur nga politika aktive duket se e paska shpenzuar për relaksim të thellë dhe kurrësesi për PD dhe demokratët”, shkruan ai.
