Kadastra është një kaos i vërtetë, policia mes skandalit të bashkëpunimit me krimin, e konfirmuar nga aplikacioni SKY, sistemi TIMS është vjedhur, por kjo nuk e shqetëson aspak kryeministrin Edi Rama i cili ka gjetur kohë sot për të dalë para mediave me lajmin se në ‘Shpirag është gjetur naftë’.
Pritej që kryeministri bashkë me ministren Balluku të dilnin sot për të dhënë shpjegime për Kadastrën, e cila ka bllokuar mijëra qytetarë si edhe bankat, të cilat nuk bëjnë dot veprime me pronat.
Gjithçka ndodh në kushtet kur Kadastra merr paratë për çdo procedurë, edhe pse nuk ofron shërbimin. Peng i kaosit kanë mbetur edhe noterët, të cilët janë të detyruar të marrin pagesat nga qytetarët për kryerjen e veprimeve, por kur skadon afati dhe duhet të riaplikojnë, qytetarëve iu duhet sërish që të aplikojnë.
“Testi do të fillojë në tetor. Po përgatitet njëkohësisht edhe plani i investimit. Gjithë ajo rezervë për tu nxjerrë sipër duhet të hyjë në infrastrukturën përkatëse, për ta trasportuar dhe për ta nxjerrë në tregun vendas dhe të huaj. Nafta e zbuluar është e cilësisë më të lartë. është hera e parë që kjo ndodh në vendin tonë. Burimet e naftës që është zbuluar më parë janë burime të një nafte të rëndë që përdoret për bitum apo solar, por nuk është një naftë që mund të hyjë në konsumin e automjeteve. Sipas analizave të bëra në laboratorin e Holandës, nafta e zbuluar në Shpirag është një naftë e të njëjtës cilësi me naftën premium të Arabisë Saudite. Investimi i parashikuar është 3 miliardë euro dhe projeksioni është që deri në përfundim të të gjithë infrastrukturës së nevojshme, është 7 miliardë euro”, tha Rama.
- Kaosi në Kadastra
Kujtojmë se të Kadastra, e cila drejtohet nga Dallendyshe Bici, po bëhey masakër përmes projketit të digjitalizimit. Prej më shumë se një muaji për shkak të projektit, Kadastra është në kolaps total.
Nga muaji maj 2022 qeveri vendosi të ofrojë 90% të shërbimeve publike online, duke e konsideruar këtë vendim si revolucion digjital në çështjen e pronave. Por deri më tani, shifrat tregojnë se zyrat e kadastrës kanë dështuar ta meritojnë këtë emër.
Një tender prej 40 milionë eurosh dhe realizimi i tij është i paracaktuar nga drejtuesja e AKSHI-t Mirlinda Karcanaj, por do i jepet kompanisë së Ermal Beqirit, pavarësisht emrit të firmës fituese me letra.
- Skandali tjetër për të cilin mund të ketë reagim qeveria, është ajo e të dhënave të vjedhura nga TIMS
Skandali u publikua fillimisht në media ku u tha se të dhënat e TIMS nuk ishin vjedhur nga iranianët siç u tha, por drejtues të Policisë së Shtetit. Në qendër të akuzave është Ervin Muça, i emëruar rishtazh si drejtori i Departamentit të Teknologjisë së Informacionit, Ervin Muça, qëmë pas u pezullua nga puna, shkruan AlbEu.com.
Prokuroria dhe eprorët e tij dyshojnëse Muça eksportoi të gjithë bazën e të dhënave të TIMS në një harddisk të jashtëm. Por a e bëri Muça këtë me kokën e tij apo kishte garanci nga të tjerë në kupolën e Policisë së Shtetit?
Deri më tani nuk është e qartë plotësisht çfarë ka ndodhur, pasi edhe Agjencia e Mbikëqyrjes Policore po vepron në heshtje duke tentuar mbylljen e skandalit, por mësohet se gjithçka ka shpërthyer pas një sherri, deri edhe fizik mes dy drejtuesve të lartë në Policinë e Shtetit.
Burime bëjnë me dije se një drejtor i rendësishëm ka urdhëruar ndjekjen dhe gjurmimin e një tjetër drejtori. Kjo ka ngjallur reagimin e këtij të fundit duke çuar në urdhrin ndaj Muçës për të nxjerrë të gjitha të dhënat e TIMS përmes një linje internet që u instalua në ambientet ku ruheshin.
Pasi u mësua linja e paautorizuar e internetit, një shkelje e rëndë e rregullave kjo, ngjarja iu referua AMP-së dhe Ardi Veliut, e cila kreu gjoja një verifikim rutinë në këto ambiente duke konstatuar këtë linjë interneti të pautorizuar.
Në fakt, AMP ishte në dijeni të linjës së internetit, por e kreu inspektimin gjoja rutinë për të mos vijuar konfliktin në kupolën e Policisë së Shtetit.
Pas konstatimit të kësaj linje interneti, AMP bëri edhe padi në Prokurorinë e Tiranës.
Pas skandalit, Muça u shkarkua nga detyra, por u risoll në të njëjtën detyrë. E gjithë intriga në Policinë e Shtetit është duke ndodhur mes dy drejtorëve me peshë, ndërkohë që Muhamet Rrumbullaku nuk ka kontrollin mbi situatën, kurse ministri Balla nuk e di ende çfarë të bëjë.
