Në një konferencë të zhvilluar nga Partia Demokratike ku po diskutohet për sigurinë në vend, kryedemokrati Sali Berisha ka hedhur akuza të forta në drejtim të kryeministrit Edi Rama lidhur me skandalin vjedhjes së të dhënave nga sistemit TIMS.
Berisha ka drejtuar gishtin nga Drejtori i Depratmentit të IT-së në Policinë e Shtetit, Ervin Muça si personin kryesor që i hapi rrugë vjedhjes së të dhënave sensitive, që dyshohet se e ka bërë në bashkëpunim me persona të tjerë.
Sipas Berishës, Muça është dërguar nga Edi Rama, i cili synon të fshijë gjurmët e krimit nga sistemi.
“Këta janë shndërruar në avoketër të tmerrshëm të krimit, shesin dosje dhe informacione. Ka sjellë europoli 850 mijë faqe transkripte. Ju garantoj se me shpejtësi të rrufeshme do përjetojmë tregun më të fuqishëm të transkriptove. Bota e krimit ka shtrirë kthetrat në cdo gjë. Një javë më parë nxorën të gjithë të dhënat e TIMS. Çfarë kishte të dhëna sekrete për krimin, po kush e nxori? I dërguari direkt i Edi Ramës, Ervin Muça. Një kriminel që urdhëroi punonjësit e policisë, i hidhni të dhënat në këtë USB dhe ata refuzuan, disa prej tyre. Bravo u qoftë. Po çfarë ndodhi? Ai mori punonjës privat dhe ata i morën privat. Edi Rama do të fshehë gjurmët e krimit”, tha Berisha.
Denoncimi i fortë i Berishës për përfshirjen e Ervin Muçës në këtë skandal të Policisë së Shtetit, vjen vetëm 24 orë pasi AMP kallëzoi në Prokurorinë e Tiranës vjedhjen e të dhënave.
Skandali gëlon prej ditësh dhe sipas një prej e-maili të punonjësve të Policisë së Shtetit që kanë refuzuar urdhrat e Muçës, ky i fundit ka urdhëruar më 2 gusht verbalisht të gjithë punonjësit e databazës dhe serverave të kryejnë eksportim të të dhënave të sistemit TIMS në një hardisk të jashtëm.
Në këto materiale përfshihen hyrje-daljet e personave, dokumentat biometrike, gjeneralitetet, ngjarjet kriminale dhe jo kriminale, aksionet e policise, dosjet hetimore, lista terrorristash, gjobat e makinave, informacion territorial sekret etj. Informacione sensitive.
