Prona vijon të jetë “mollë” sherri në Shqipëri, teksa ka qenë dhe shkaku i sherrit mes dy vëllezërve së fundmi në Tiranë.
Policia ka vënë në pranga shtetasit Gëzim Jahi, 59 vjeç dhe Gerald Jahi, 27 vjeç (babë e bir), të dy banues në Tiranë. Sipas njoftimit të autoriteteve, babë e bir janë konfliktuar dhe kanë kanosur për motive pronësie, shtetasin F. J. (vëllai i 59-vjeçarit).
Gjatë kontrollit, shërbimet e Policisë kanë gjetur dhe sekuestruar 1 armë zjarri pistoletë, 1 armë zjarri kallashnikov, 1 armë gjahu, 3 granata, 3 ndezës granatash, krehra dhe municion luftarak të llojeve të ndryshme.
Materialet procedurale i kaluan Prokurorisë pranë Gjykatës së Shkallës së Parë të Juridiksionit të Përgjithshëm Tiranë, për veprime të mëtejshme.
