Nga Boldnews.al
Kandidati i PS-së për Bashkinë Rrogozhinë, Edison Memolla, ende nuk e beson dhe nuk ka asnjë gjasë që për për katër vitet e ardhshme të kuptojë dhe besoje se në ç’ligj matematik dhe filozofik mund të arrish nga 21 vota plus, me ndihmën e kriminelëve të burgut, në 1752 plus, pas ripërsëritjes së zgjedhjeve. Rivali ishte po i njëjti, madje me një bonus të madh në duar pasi Kolegji Zgjedhor vendosi të ripërsëriste zgjedhjet për shkeljet e rënda nga “kutia e burgut”.
Burgaxhinjtë ishin aktorët kryesorë në zgjedhjet e 14 majit që i dhanë fitoren me përbysje kandidatit Rilindas Edison Memolla. Dy muaj më vonë u “shtuan burgaxhinjtë” e paburgosur… Në zgjedhjet e pjesshme të 6 marsit të 2022-it, për Bashkinë Rrogozhinë kishin të drejtë vote 65 të burgosur, ndërsa këtë vit numri i tyre u rrit me 122, me disa tranferime të çuditshme. E vertëta u zbulua pikërisht në zgjedhjet e 14 majit. Nga 122 të burgosur 108 prej tyre votuan më 14 Maj, nga ku kandidati i PS Memolla arriti të merrte 92 vota, ndërsa vetëm 12 shkuan për kandidatin e opozitës Hoxha. Ishte pikërisht kjo kuti e numëruar e fundit që përbysi rezultatin në plus 21 vota për Memollën e Rilindjes.
Për një dashnore më shumë, për një ushqim më tepër, për një dhomë më të madhe, për një telefon në qeli, apo për një leje ekstra, këta të dënuar, me të drejtën bënë një llogaritje. Ata votuan kandidatin e pushtetit, të bindur se ishin nën thundrën e pushtetit dhe me votën e tyre do merrnin ndonjë privilegj më tepër. Ata të dënuar janë më të justifikuarit në kushtet e mbijetesës, por njërëzit “e lirë” të Rrogozhinës, pranuan të futeshin vetë në burg, pikërisht dy muaj më vonë.
Nuk janë pak por të paktën 1752 persona që sfiduan vapën përvëluese për të djegur me votën e tyre fëmijët, të afërmit, fqinjët, por edhe të gjitha bashkëqytetarët që frymojnë brenda territorit të Rrogozhinës, e njohur para viteve 90’ për “sapunin 15 lekësh” që prodhohej aty, ndërsa sot tret kohën me emigrimin masiv.
Rrogozhina u kthye në foltoren, pijetoren dhe fjetoren e përkohëshme të disa të dërguarve nga “qendra”, pasi e panë se kandidati i tyre aq e kish takatin dhe se në zgjedhjet lokale të 14 majit Shkëlqim Hoxha i opozitës gëzonte mbështetje më të madhe, pavarësisht kushteve tërësisht të pabarabarta që u zhvilluan ato zgjedhje.
Kryebashkiaku i Tiranës Erion Veliaj ishte “I dërguari” nga lart për të bërë gjithçka të ligjshme dhe paligjshme që të përbysej ai rezultat. Llogaritë ishin të thjeshta. Me 92 votat e burgaxhinjve ata përbysën rezultatin më 14 maj, ndaj duhej e njëjta strategji… Po ku t’i gjenin të burgosurit e vërtetë kur Kolegji Zgjedhor ua ndaloi votimin për shkak të parregullsive? Kishte të burgosur, por pa e ditur që ishin të tillë. Plot 1752 të tillë dolën vullnetarë për të mbyllur mendjen në burg, duke shitur dinjitetin bashkë me votën. Të tjerë u trembën aq shumë sa betoheshin për kokën e fëmijëve që do ja jepnin Memollës së Rilindjes, madje për t’i besuar nuk ngurruan as të fotografonin votën e po ashtu të linin shenja në fletën e votimit.
Operacioni u krye me shumë sekses nga Veliaj, deputeti Xhafaj dhe shumë të tjerë kapadai lokalë që në rresht nisën drejt qendrave të votimit mijëra qytetarë në dukje të lirë. Këta janë të burgosurit me dëshirë që nuk do guxojnë kurrë ti kthejnë fjalën “gardianit” horr lokal, shefit të “burgut” me mandate kryebashkiaku, apo drejtorit të madh që u ka në duar edhe lirinë e mendjes, pasi dinjiteti tashmë është shitur prej disa vitesh!
