Sekretari i Përgjithshëm i PD-së Flamur Noka u ndal gjatë fjalës së tij në Kuvend te ligji i kanabisit, ku theksoi se mazhoranca po e kalon me vrap me procedurë të përshpejtuar. Noka shprehet se pas kësaj afere fshihet kryeministri Rama i cili do që Toma dhe klientët e tjerë të marrin me urgjencë licencat e kanabisit mjekësor apo industrial, pra shpërblim për blerjen e votave, dhe për dhunimin e zgjedhjeve.
Sipas Nokës, Rama nuk ka humbur asnjë minutë kohë së bashku me anëtarët e tjerë të organizatës për të vjedhur shqiptarët, ku me aferën e inceneratorëve ka kaluar me urgjencë 17 vendim qeverie brenda 1 ditë.
“Me urgjencë 17 vendim qeverie brenda 1 ditë sepse kreu i organizatës kriminale plehrat si pronar i inceneratorëve duhej që të mos humbiste asnjë minutë kohë sëbashku me anëtarët e kësaj organizate për të vjedhur shqiptarët. Dihet botërisht se pas aferave për plehrat ka një mafie dhe në Shqipëri, pas aferës së plehrave ka një kryemafioz dhe një mafie që quhet qeveri për fat të keq.
Me vrap me procedurë të përshpejtuar sepse duhet që Toma dhe klientët e tjerë të marrin me urgjencë licencat e kanabisit mjekësor apo industrial, pra shpërblim për blerjen e votave, shpërblim për dhunimin e zgjedhjeve. Me urgjencë 17 vendim qeverie brenda 1 ditë sepse kreu i organizatës kriminale plehrat si pronar i inceneratorëve duhej që të mos humbiste asnjë minutë kohë sëbashku me anëtarët e kësaj organizate për të vjedhur shqiptarët. Dihet botërisht se pas aferave për plehrat ka një mafie dhe në Shqipëri, pas aferës së plehrave ka një kryemafioz dhe një mafie që quhet qeveri për fat të keq. Me urgjencë të madhe për të vënë Skënder Gjinushin për ti dhënë një mandat për të thyer ligje për të shkatërruar a thua se u përmbys bota, a thua se shqiptarët nuk kanë asnjë hall tjetër mezi po jetojnë ditën që vetëm kur të rizgjidhet Gjinushi. Po ku ka turp më të madh se kjo. Ku ka pafytyrësi më të madhe se kjo. Ju as nuk skuqeni më as nuk zverdheni, ju mjafton vetëm që të vidhni ju dhe mafia, ju dhe klientët tuajt dhe shqiptarët nuk ju interesojnë’,- u shpreh Noka.
