Edi Rama ka ndërmarrë në 6 dhe 7 korrik një tur në të pesë vendet e Ballkanit perendimor. Ai zbriti të enjten në Shkup për të vazhduar më pas udhëtimin për në Prishtinë. Të premten kryeministri vijoi turin në Sarajevë, Podgoricë dhe Beograd.
Ai e ka përligjur atë me përgatitjen e samitit të procesit të Berlinit që do të mbahet në tetorin e ardhshëm në Tiranë. “Ne do të bisedojmë me të gjitha vendet e rajonit për të dalë me një grup kërkësaj të përbashkëta në vjeshtë” shpjegoi ai duhet të një intervistë për Klan Kosova.
Por pyetja që shtrohet është: a ka ndërmarrë ai një turne diplomatik për të zgjidhur punë, për të përgatitur vërtet një mbledhje të rangut evropian, apo, në të kundërt, thjeshtë ka nisur një udhëtim me çarterin privat për të aktruar rolin aq të dëshëruar, atë të një negociatori ballkanik me peshë.
- :
E para majtas Rama ne Rinas para se te niset per Maqedoni.
E dyta kur mberrin ne areportin e Shkupit. Shikoni veshjen. Majtas sportiv. Tek tjetra i veshur me kostum dha madje jelek.
Kjo deshmon se avionin privat e ka me dhome personale plus dhe me gerderobe. Fiks siç i takon nje negociatori ballkanik
Kjo pyetje lind sepse së paku në tre episode takimet e tij po rezultojnë të pa rakoduara me homologët dhe shpesh dhe me divergjenca të demostruara në publik.
Ashtu sikurse u pa në konferencën e shtypit që mbajti me homologun e tij Kovaçevski, Edi Rama nuk e kishte lajmëruar kryeministrin maqedonas për vendimin e tij se Ballkani e Hapur e kishte mbyllur. Fundjavën e shkuar kryeministri lajmëroi nga Ohri në një intervistë për Euronews se kjo nismë e ka përfunduar misionin e saj dhe tani vendet ballkanike duhet të përqëndrohen tek procesi i Berlinit. Për gazetarët Kovaçevski deklaroi krejtësisht të kundërtën. Ai tha se Ballkani i hapur vazhdon dhe se misioni i tij nuk është mbyllur.
Po a shkohet në një takim ku do të zgjidhësh punë pa i rakorduar më paraprakisht detajet dhe pa rënë dakord për vendimarrjen e përbashkët?
Kjo mungesë rakordimi ngjan edhe më flagrante kur mendon se kryeministri ynë u nis për në Prishtinë, pa e ditur nëse Albin Kurti e ka konfirmuar apo jo takimin. Rama ia kërkoi atë zyrtarisht. Shefi i qeverisë së Kosovës u përgjigj se kjo nuk mund të ndodhte pa u zhvilluar mbledhja e përbashkët e dy qeverive që Tirana e pati anulluar në mënyrë të një anshme e ku do të nënshkruheshin 13 marrëveshje. Rama i urdhëroi ministrat ti firmosnin ato me urgjencë dhe i nisi për në Kosovë, por rrefuzoi ta mbante mbledhjen e dy qeverive. Albini nuk iu përgjigj më…
Kjo e bëri kryeministrin të kundërreagonte me një deklaratë nga shtypi; “Me kanun shqiptari ia hap derën edhe hasmit dhe nuk e nxjerr dot jashtë deri sa ai të mbarojë fjalën”
Por sikur ta anashkalojmë për një moment, dilemën se i kujt ishte faji, sikur ta harojmë garën se cili u tregua më kryeneç. Pra po të merremi vetëm me anën formale, pyetja mbetet: A niset dot një udhëheqës shteti drejt një shteti tjetër duke e ditur se mikpritësi i tij nuk e pret? Edhe nëse e bën këtë a zgjidh dot punë?
Edi Rama në Prishtinë qe në të drejtën e tij të bënte spektakël, të shfrytëzonte emisionet televizive të mbrëmjes për të goditur Albin Kurtin. Por ama ashtu sikurse e pranoi edhe vetë, ai nuk bisedonte dot asgjë me rëndësi për axhendën e takimit të procesit të Berlinit që do të mbahet në Tiranë, sepse për ta bërë këtë duhet të ishin bashkë dy kryeministrat. Pra ndalesa e turit në Prishtinë qe krejt e kotë.
Edhe me presidentin Vuçiç, Edi Rama nuk është në ditët e tij më të mira. Menjëherë pasi kryeministri shpalli nga Ohri mbarimin e misionit të Ballkanit të hapur presidenti serb reagoi duke thënë se “Otvoreni Balkan” është ideja më e mirë. “Nuk besoj se Rama ka thënë se Ballkani i Hapur ka mbaruar”.
Pra edhe në Beograd Edi Rama zbarkoi i pa rakorduar me mikpritësin e tij. Prandaj të treja këto episode ngrejnë një pyetje, a ishte turi rajonal një nismë e menduar për të zgjidhur punë, ao thjesht një shou për të pompuar figurën e një negocitori ballkanik, që zbarkon në kryeqytetet e një rajoni të varfër me pompozitetin e dikujt që ka në dispozicion një avion privat./ LAPSI
