Një ngjarje e rëndë ka ndodhur në Athinë, ku një 28 vjeçar me origjinë shqiptare, ka përplasur me makinë një shtetas tjetër shqiptar, i cili si pasojë ka humbur jetën.
Mediat e huaja shkruajnë se viktima po ecte në bulevardin Vuliagmenis me drejtim për në Varkiza, kur papritur makina me drejtues 28 vjeçarin brenda një sekonde e godet duke e plagosur për vdekje.
Siç kanë deklaruar oficerët e policisë rrugore i aksidentuari ka kaluar rrugën ndërkohë që semafori ishte i hapur me dritën jeshile vetëm për automjetet. 20 vjeçari është marrë me ambulancë duke pasur ndjenjat dhe është dërguar në spital, por disa minuta më vonë ka humbur jetën nga hemorragjia e brendshme.
“Pashë videon kur kombësorin e hodhi disa metra lart në ajër një makinë. Nuk e kishte fajin shoferi , por këmbësori që kaloi me semafor të kuq”,- është shprehur një dëshmitar.
Autoritetet e policisë rrugore kanë arrestuar 28 vjeçarin i kanë bërë testin e alkoolit, dhe kanë marrë materialet filmike nga kamerat e rrugës për ti dërguar tek prokurori, për zbardhjen e plotë të ngjarjes.
Identitetet e të dy shtetasve me origjinë shqiptare ende nuk janë publikuar.
