Apeli i GJKKO la sot në fuqi masën e arrestit në burg për Silvi Shehun, inxhinierin e kompanisë së Vladimir Topit që u arrestuan bashkë me sekretaren e ministrisë së Shëndetësisë Joana Duron.
Te ditë pas arrestimit, Shkalla e Parë liroi pronarin e kompanisë, që sipas akuzës i dha paratë Shehut për t’ia çuar sekretares Duro, për shkak të moshës 73-vjeçare.
Në burg për ngjarjen, ndodhen ende Joana Duro dhe specialistja e lartë e shërbimeve publike Laureta Shteto.
Sipas SPAK, pronari së bashku me inxhinierin e kompanisë i dhanë Duros 330 mijë lekë ryshfet që ajo të ndikonte për t’i shpallur fitues në tenderin për supervizimin e rikonstruksionit të disa qendrave shëndetësore në qarqet Tiranë dhe Durrës.
