Gjykata e Lartë ka lënë në fuqi vendimin e Apelit të Posaçëm për çështjen e inceneratorit të Elbasanit, duke mos pranuar rekursin e personave të dënuar në këtë dosje.
Sipas vendimit, ish-ministri Lefter Koka mbetet i dënuar me 10 vite burg, që me përfitimin e gjykimit të shkurtuar reduktohet në 6 vite e 8 muaj heqje lirie.
Për ish-deputetin Alqi Bllako u la në fuqi dënimi me 4 vite burg, që me gjykim të shkurtuar zbret në 2 vite e 8 muaj.
Për biznesmenin Klodian Zoto u konfirmua dënimi me 10 vite burg, ose 6 vite e 8 muaj me gjykim të shkurtuar. Të njëjtin dënim mori edhe Mirel Mërtiri.
Ndërkohë, Stela Gugallja u dënua me 7 vite burg, që me gjykim të shkurtuar reduktohet në 4 vite e 8 muaj.
Pëllumb Abeshi dhe Jonida Zeqo u lanë në fuqi me nga 4 vite burg secili, ose 2 vite e 8 muaj me gjykim të shkurtuar.
Po ashtu, Apeli i Posaçëm kishte lënë në fuqi edhe dënimet për Bardhyl Çabiri me 2 vite burg dhe Serafin Papa me 1 vit e 4 muaj burg.
Vendimi i Gjykatës së Lartë u dha nga trupa gjykuese e Kolegjit Penal, e përbërë nga gjyqtarët Ilir Panda, Sokol Binaj dhe Sandër Simoni.
LEXO EDHE:
SPAK kërkon rikthimin në burg/ Gjykata nuk gjen Lefter Kokën. Posta: Është larguar
Apeli e ktheu në qeli, nuk ekzekutohet vendimi për Lefter Kokën, ndodhet jashtë vendit
