Eshtë zhvilluar këtë të Martë mbledhja e konsituimit të këshillit bashkiak të Himarës, e cila është shoqëruar me përplasje dhe mosdakordësi, mes këshilltarëve të PS-së dhe atyre të opozitës.
Mes të pranishmëve në mbledhje, ka qënë edhe ambasadorja e Greqisë në Tiranë, Konstantina Kamitsi. Në një deklaratë për mediat nga Himara, Kamitis ka folur lidhur me vendimin GKKO-së për të mos lejuar Fredi Belerin të dalë nga qelia për të bërë betimin si kryetar i zgjedhur në bashkinë e Himarës.
“Mungesa e kryetarit të zgjedhur në mënyrë demokratike, Fredi Beleri në mbledhjen e parë të këshillit bashkiak përbën goditje të madhe në shtetin e së drejtës dhe parimin themelor të prezumimit të pafajësisë” tha Kamitsi.
Më tej ambasadorja paralajmëroi se nëse Beleri do të humbiste të drejtën e kryerjes së detyrës do të ishte regres i madh për një vend që do të integrohet në BE.
“Do të ishte regres i madh në fushën e shtetit të së drejtës të humbasë të drejtën e kryerjes së detyrës së tij një kryetar bashkie zgjedhur në mënyrë demokratike ndaj të cilit nuk rëndojnë akuza dhe nuk është gjykuar dhe dënuar. BE është mbi të gjitha komunitet parimesh që duhet ti zbatojë cdo vend që do të jetë anëtar i tij”
