Prokuroria vijon hetimet lidhur me atë çfarë ndodhi brenda kampit të muxhahedinëve në Manzë të Durrësit, ku forca të shumta policie zbarkuan në ambientet e territorit të kampit MEK, ku ekzekutuan një urdhër kontrolli të lëshuar nga GJKKO.
Situata u shoqërua me tensione dhe përplasje fizike që rezultuan me pasoja fatale, ku mbeti i vdekur një pjesëtar i komunitetit MEK, dhe u plagosën disa të tjerë.
Ndërkohë lidhur me këtë ngjarje, përfaqësues të opozitës iraniane MEK në Berlin kanë protestuar para ambasadës shqiptare në shenjë revolte.
Policia e shtetit ka mohuar se vdekja e një pjesëtari të MEK ka ardhur si pasojë ndërhyrjes së tyre, por kjo është kundërshtuar fuqimisht nga anëtarët e këtij komuniteti.
