Lihet në qeli Milena Deraj, ish-punonjësja e Bankës së Shqipërisë dhe ish-këshilltare e deputetes socialiste Blerina Gjylameti, e akuzuar për “mashtrim”,
Pak ditë më parë, Gjykata e Tiranës la në masën e sigurisë “arrest në burg” Milena Derajn, 30-vjeçaren e akuzuar për “mashtrim me pasoja të rënda”. Në seancë, Deraj ka pretenduar se është kërcënuar nga 4 banda për mosmbajtjen e premtimit për të hequr 2 burgime të përjetshme.
Ajo kishte marrë përsipër të gjente 2 avokatë të suksesshëm për zgjidhjen e çështjes. Deraj dyshohet se ka marrë përmes mashtrimit një shumë prej 340 mijë euro. Ajo akuzohet se ka mashtruar 3 shtetas (babai dhe dy djemtë), duke iu marrë 340.000 euro, me premtimin se do t’i ndihmonte në një proces gjyqësor që kishin në Shkodër, në lidhje me një ngjarje kriminale të ndodhur në Velipojë, në vitin 2021.
Gjithashtu, kjo shtetase akuzohet se ka mashtruar edhe një shtetase tjetër, duke i marrë 230.000 euro, me premtimin për t’i investuar në bono thesari. Ndërkohë, u shpallën në kërkim shtetasit A. V., Sh. V. dhe H. V. (babai dhe dy djemtë), të tre banues në Shkodër. Këta persona janë në kërkim pasi akuzohen se me vetëgjyqësi kanë kanosur Milena Derajn për kthimin e parave.
Deraj pretendon se e ka njohur borxhin financiar dhe se e kishte kthyer një pjesë të parave. Sipas saj, ajo nuk ka mashtruar askënd.
Kështu, ka ankikuar masën e sigurisë së dhënë nga shkalla e parë, duke kërkuar një masë më të lehtë. Megjithatë, këtë të Hënë Apeli rrëzoi krekosën e saj dhe la në fuqi masën e “arrestit me burg” dhënë nga gjykata e Tiranës.
Lexo edhe:
Veliaj, Toma, Gjylameti, të gjithë emrat që dalin në dosjen e mashtrueses Milena Deraj
