Politikani Petrit Vasili ka qenë i pari që ka reaguar me nënqeshje, ndaj arrestimit të Vangjush Dakos, ish-kryebashkiakut të Durrësit dhe bashkëpuntorit të ngushtë të kryeministrit nga SPAK, pasditen e së martës.
Ironia dhe tallja mbizotëroi në shënimin e tij në Fb:
“Përpara zgjedhjeve nuk e bënte dot SPAK këtë arrestimin e Dakos, se duhej mbaruar edhe fushata e “rruajtjes” së votave, – shkroi ai. – Ndërsa për Fredi Belerin, që ishte i opozitës, nuk i priste puna… Uh, se harrova, edhe një javë rresht muhabeti i arrestimit ishte nëpër Fb dhe kafene! Këtij i thonë “arrestim rilindas”, e mbylli nënkryetari i Partisë së LIrisë.
