Panoramë e trishtë është ajo që shihet në foton e mësipërme, ku 63-vjeçarja, Tatiana Hoxha vazhdon të qëndrojë mes rrënojave prej mëngjesit të sotëm, ndërkohë që fadromat i kanë shembur shtëpinë.
Bashkia e Vlorës shembi pallatin e vjetër dykatësh për të ndërtuar një rrugë të re që do të lidhë lagjen “Skelë” me Lungomaren, ndërsa 63-vjeçarja pretendon se në këtë truall është dhënë leje për pallat të ri.
Apartamenti i saj u vlerësua me 47 milionë lekë të vjetra, por 63-vjecarja e divorcuar që jeton vetëm me vajzën thotë se shuma është e pamjaftueshme për të blerë shtëpi të re.
Kështu në formë proteste ajo qëndron mes rrënojave, duke treguar rezistencë teksa shprehet se nuk do të largohet nga trualli i saj.
