Sekretari i Përgjithshëm i Partisë së Lirisë, Tedi Blushi ka reaguar pasi emisioni investigativ “Piranjat” zbuluan skemën se si Erion Veliaj “importoi” votues në Tiranë për në 14 Maj.
Në një postim në rrjetet sociale, Blushi shkruan se ky është një krim i shëmtuar elektoral dhe shtetëror, që meriton ndëshkim të ashpër ligjor.
Sipas tij, manipulimi i listës së votuesve mund të jetë një prej manovrave që ka përdorur Veliaj për masakrën elektorale.
Reagimi
Një krim i shëmtuar elektoral dhe shtetëror që meriton ndëshkim të ashpër ligjor! Manipulimi i listës së votuesve rezulton të ketë qenë një prej manovrave të përdorura nga Erion Veliaj në kasaphanën zgjedhore të 14 Majit në Tiranë! Dosjet e krimeve zgjedhore po ulërijnë nga Veriu në Jug! Qëndresë dhe Transparencë me çdo çmim!
