Kreui LDK-së, Lumir Abdixhiku, ka dalë në një konferencë pas numërimit të votave në Kosovë.
Ai u shpreh se partia e tij tashmë ka marrë 20 mandate, teksa nuk i kurseu kritikat për LVV-në.
“Më lejoni të shpreh mirënjohje për qytetarët e Kosovës. Kosova foli sot qartë. Një falënderim shumë të veçantë për të gjithë ata që kontribuuan që qytetarëve tanë t’u respektohej vullneti i tyre.
Në vetëm një muaj fushatë, numri ynë ka kaluar në 20 mandate. Kjo është një rritje që ne e konsiderojmë 5 pikë përqindjeje. Ky nuk është vetëm një numër, por një shenjë e qartë që ky vizion po merr mbështetjen qytetare.
Me 20 mandate, LDK ka një të ardhme shumë të mirë përpara. Kjo është një detyrë për të shkuar përpara. Kjo nuk ishte një garë e barabartë. Përpara kishim një propagandë të pushtetit. Pamë edhe keqpërdorime parazgjedhore, ndërhyrje për blerjen e votës. Përballë gjithë kësaj, ne ndoqëm një rrugë tjetër.
Nuk ndoqëm një fushatë urrejtjeje, por një fushatë moderne. Sot, qytetarët tanë dhanë një përgjigje të qartë. Pamë edhe një refuzim të qartë ndaj këtij stili qeverisës.
Humbja e 200 mijë votave nga partia në pushtet tregon që ky popull do një përfaqësim tjetër”, u shpreh Abdixhiku.
