Drejtoria e Përgjithshme e Transportit Rrugor ka publikuar ankandin e targave të personalizuara. Të gjithë të “fiksuarit” pas këtyre targave, do të plotësojnë fillimisht disa dokumente dhe më pas, duke marrë pjesë në ankand, do të vendosin targat personale në automjetet e tyre. BoldNews.al ka siguruar dokumentet e dala nga DPTRRSh-ja, të publikuara në Agjencinë e Prokurimit Publik, me targat e personalizuara, çmimet apo edhe me dokumentet që duhen për të marrë një targë të tillë.
Sipas dokumentit të mësipërm, Drejtoria e Transprtit Rrugor ka hapur ankandin me procedurën e hapur me objekt “shitje e targave të personalizuara me ankand”. Kjo drejtori shkruan se vlera fillestare është në listën e detajuar për çdo targë të personalizuar, e cila gjendet bashkëlidhur njoftimit për ankand. Mësohet se vendi i zhvillimit të ankandit do të jetë në ambientet e Drejtorisë së Përgjithsme të Shërbimeve të Transportit, selia e DPSHTRR në Fushë-Prezë. Për të gjithë personat është vendosur edhe një numër telefoni ku do të kontaktojnë. Mësohet se afati i fundit kohor për pjesëmarrje do të jetë data 5 qershor 2023. “Dokumentet e ankandit mund të tërhiqen pranë Autoritetit Shitës, drejtorisë së Përgjithshme të Shërbimeve të Transportit Rrugor me adresë rruga ‘Muhedin Llagani’ Tiranë, nga personat të cilën shprehin interes për pjesëmarrje në ankand ose nëpërmjet aplikimit në faqen zyrtare të DPSHTRR-së me adrese-së www.dpshtrr.gov.al” thuhet në këtë ndokument.
Ndërkohë, bashkëlidhur të njëjtit dokument, janë publikuar edhe targat që dalin në ankand bashkë edhe me çmimin dysheme. Targa “Zz777zz” ka dalë në ankand me vlerë 152.000 lekë, targa “BB888BB” me vlerë 202,000 lekë, targa “B00ss” me vlerë 235.200. Ndërkohë, tarha “T1R0NA” ka dalë me vlerë 180,000 lekë, “T1ronc1” me vlerë 159.000, “PR11NCE” me vlerë 164.000 lekë.
Lista vijon me targën “Ve5e1” me vlerë 215.600 lekë, ndërsa për të gjithë emigrantët në Angli ka dalë në ankand targa “L0nd0n” dhe çmimi hapen me vlerën 204.000 lekë. “PR1NC1” ka dalë me vlerën 184.800 lekë, “VIP01” me vlerë 210.000, “K0S0VA” me vlerë 184.800 lekë, ndërsa “AV0KAT1” me vlerë 159.000 lekë të rinj. Lista vijon me targën “B0SS1” me vlerë 222.600 lekë, “TR15TAN” me vlerë 159.000, “B3K1M” me vlerë 210.000. Ndërkohë, ka edhe targa me emra qytetesh ku “5HK0DER” ka dalë me vlerë 155.000 lekë, “TR0P0JE” me vlerë 159.000. Më tej thuhet se targa “VAS1L1” ka dalë me vlerë 184.800 lekë, “PR0BL3M” me vlerë 155.000 lekë, “EE333EE” me vlerë 202.000 lekë, “TIR0N4” me vlerë 180.000 lekë, “G63AMG” me vlerë 184.800 lekë, etj, etj. E gjithë lista, e publikuar më sipër na redaksia jonë, ka plot 40 targa të personalizuara.
