Një nga qytetaret e shoqëruara në komisariatin e Vlorës ka rrëfyer se është marrë pa të drejtë dhe nuk ka asnjë lidhje me ngjarjen për të cilën akuzohet Fredi Beleri, kandidati i opozitës në bashkinë e Himarës.
Sipas dëshmisë së dhënë ajo shprehet se nuk i ka ofruar askush para për shitjen e votës, madje diçka të tillë ia kanë komunikuar në polici, duke i thënë se emri i saj është në listat e personave që kanë marrë para.
Më tej, ajo pohon se punon si sanitare në shkollë, ndërsa nuk e njeh kandidatin Fredi Beleri dhe nuk ka asnjë kontakt me të.
Valbona Bala është marrë nga shtëpia e saj së bashku me djalin 18-vjeçar dhe janë dërguar në komisariatin e Vlorës, ku pas disa orësh janë lënë të lirë.
Pas bërjes publike të dëshmisë së gruas, ka reaguar edhe kryetari i PD, Sali Berisha.
Berisha shkruan në rrjetet sociale se akuzat ndaj kandidatit të opozitës në Himarë janë manipulim kriminal i Edi Ramës.
Postimi
Terror policor në Himarë.
Dëshmitarja e arrestuar, në dhunim të Kushtetutës, në ora 2 të mëngjesit, hedh poshtë akuzat për Fredi Belerin. Manipulim kriminal i Edi Ramës, ndiqeni sipas dëshirës dëshminë e saj. Krim! sb
