Gjykata e Vlorës vendosi sot masën e sigurisë arrest me burg për Fredi Belerin, kandidatin e opozitës për Bashkinë e Himarës.
Avokati i tij ka deklaruar për mediat se nuk u faktuan akuzat dhe se prisnin nga gjykata që të deklaronte arrestin e paligjshëm.
Fredi Beleri akuzohet për veprën penale “Korrupsion aktiv në zgjedhje”, kryer në bashkëpunim. Sipas hetimeve nga akuza e Vlorës, Fredi Beleri dhe Pandeli Kokaveshi kanë premtuar para për vota si dhe i kanë dhënë 40 000 lekë të reja një të infiltruari nga policia për blerje votash.
“E vlerësuan të ligjshëm arrestin ën flagrancë dhe caktuan SPAK-un si kompetencë, brenda 10 ditësh ndoshta do të bëhet vlefshmëria.
Nuk u faktuan akuzat, ishin veprime të stimuluara të policisë. Akuzë politikë dhe montim politik.
Fredi Beleri foli dhe tha pikërisht këto që po them unë.
Nuk u provua në asnjë moment, as ekzistenca e listave, ishte duke dalë jashtë lokalit dhe mënyra e rrëmbimit të konsistonte në gjetjen e ndonjë gjëje, por megjithëse ndodhi në flagrancë, nuk u gjet asgjë.
Procesi i votimit, forcohet për Fredi Belrin, e ka forcuar kjo.
Nga gjykata prisnim që të deklaronte arrestin e paligjshëm.
Ligji ka parashikuar që brenda 10 ditsësh duhet të shprehen në SPAK.”- tha avokati.
