Të 60-ë bashkitë e vendit që drejtohen nga Partia Socialiste prej zgjedhjeve moniste të 2019, në fushatën për zgjedhjet e 14 Majit kanë bërë pjesë të makinerisë elektorale një metodë të re të blerjes së votës, që njihet si “asfalti elektoral”.
Modelin që e nisi Erion Veliaj në Tiranë, duke hedhur çakull e bitum në çdo rrugicë ku nuk ishte vënë dorë gjatë 8 viteve të tij si kryebashkiak, e kopjuan me shpejtësi kolegët e tij të majtë.
Një ndër ta që nisi të asfaltojë rrugët e lëna rrugëve në mandatin e tij të parë si kryebashkiak, ishte Rakip Suli në Kamëz, i denoncuar në disa raste nga demokratët dhe rivali i tij në garë Arjan Hoxha.
Zifti elektoral në rrugët që ngrysen me gropa dhe zgjohen të shtruara në mëngjes nuk po ndalet as kur na ndajnë 72 orë nga zgjedhjet, por duket se në bashkinë Kamës, një rrugicë në veçanti është përjashtuar nga kjo skemë.
Edhe 35 vite pas vdekjes, teksa emri si “Dëshmor i Demokracisë” i është përjetësuar në një rrugë në lagjen Paskuqan 1, poeti i shquar Havzi Nela ende i tmerron të majtët në pushtet.
Intelektuali e poeti kuksian që u ekzekutua me varje nga regjimi komunist më 10 gusht të vitit 1988, mbetet ende i persekutuar nga Partia Socialiste e Edi Ramës për shkak të “biografisë së keqe”.
Këtë të paktën të lë të kuptosha fakti që nga të gjitha rrugët e pashtruara përpara nisjes së fushatës nga Rakip Suli, vetëm në atë me emrin “Havzi Nela” nuk është hedhur asfalt elektoral dhe vijon të mbetet me gropa.
