Kryetari i Partisë së Lirisë Ilir Meta u shpreh optimist sa i takon rrugëtimit të kreut të PD-së Sali Berisha, në politikë.
I ftuar në emisionin “Opinion”, teksa u pyet se kur do të jetë fundi i Berishës në politikë, Meta u shpreh se ai ska filluar akoma, duke paralajmëruar zhvillime të reja e dinamike në të ardhmen.
Meta tha se ka bërë marrëveshje politike më të, e po ashtu se nuk ka asnjë tendencë t’i marrë Partisë Demokratike elektoratin, duke qenë se në këto zgjedhje lokale, PD dhe PL garojnë bashkë nën siglën e “Bashkë Fitojmë”.
Pjesë nga biseda:
Baton Haxhiu: Ju dëshironi që këtë fundin e Berishës në politikë…
Baton Haxhiu: Fundin e Berishës në politikë.
Ilir Meta: Po ai s’ka filluar akoma mo!
Baton Haxhiu: Mirë, mirë e di. Më lër ta bëj pyetjen, pastaj thuaj s’ka filluar akoma. Ta trashëgosh pa një mund tëndin dhe gjithë këtë elektorat ta fusësh në Partinë e Lirisë?
Ilir Meta: Është shumë e madhe Partia Demokratike, as që më shkon mendja.
Baton Haxhiu: Si do ta bësh bashkën një elektorat jo konfliktual, po as miqësor në një të ardhme ose pas ditës së Dielë, të Hënën ça do t’i bësh atij? Dhe cila do të jetë kauza jote politike pas datës 14 Maj?
Ilir Meta: Jam shumë dakord. Dy janë kauzat e mia dhe për këto kam marrëveshje me gjigandin Sali Berisha. Transparencë absolute, bashkitë, këshillat bashkiake në gjithë Shqipërinë dhe kjo është një gjë në interes të qytetarëve.
