Analisti Fatos Lubonja, i ftuar në emisionin News24, komentoi vendimin e Gjykatës Kushtetuese që penalizoi dekretin e presidentit Bajram Begaj për zgjedhjet e parakohshme në Tiranë më 9 nëntor.
Lubonja thotë se presidenti Begaj u shndërrua në servil të kryeministrit Rama me dekretin e nxjerrë me ngut për zgjedhjet lokale, pa pritur vendimin e Kushtetueses nëse ishte e drejtë shkarkimi i Erion Veliaj si kryebashkiak i kryeqytetit.
Sakaq, ai sheh me shqetësim tentativën e Edi Ramës për të kapur çdo gjë në vend, duke shkelur hapur ligjet dhe Kushtetutën.
Fatos Lubonja: Me bon sensin e një njeriu që gjykon nxjerr ca deduksione, gjëja e parë e shtrembër përderisa Gjykata Kushtetuese e mori për gjykim, mund të thoshte nuk është kompetence e jona, atëherë mund të procedoj, fakti që e mori minimalisht presidenti duhej të priste vendimin dhe të caktonte datën e zgjedhjeve, nguti kështu është shumë i thellë. Ky është problemi.
Ç’domethënë ky nguti i Ramës? Është, Hitleri dhe fashizmi një nga gjërat kur doli u luftua demokracia sistemi. Luftonin demokracinë si sistem. Thoshte ç’janë këto vonesa diskutime në parlament. e marrim pushtetin dhe ecim përpara se kemi punë. Në Shqipëri këtë traditë kishim.
Ai që fiton zgjedhjet i merr të gjitha. E mori Berisha në 97 dhe mësuan të tjerët mos ti marrin të gjitha. Ky njeriu që kemi këtu, që mori dhe zgjedhjet e katërta. Kjo që ka bërë presidenti, është çështje servilizmi. Është nënshtruar e gjitha. S’do me pyet ligjin fare. Kështu kjo është normale në një vend autoritar. Nëse pranojmë se jemi në demokraci është anormale.
