Zëdhënësja e fushatës së Partisë Demokratike, në Tiranë, Silvi Bardhi ka treguar ditën e sotme rrugëtimin e kryebashkiakut Veliaj, nga themeluesi i lëvizjes “Mjaft”, te afrimi me kryeministrin Rama.
Përmes një postimi në rrjete sociale, Bardhi ka postuar një Video ‘retrospektivë’ duke u kthyer pas në vitet kur Veliaj themeloi lëvizjen “Mjaft” dhe sulmonte klasën politike të PS, ndërsa sot është bërë palë me fasadën e socialistëve.
“Sot flet si socialist, ndërkohë që me MJAFT-in e tij sulmonte çdo figurë të socialistëve, përfshi edhe ata që sot dalin e mbledhin vota për të”, shkruan Bardhi mes të tjerash në postimin e saj.
“Kundër socialistëve e përdori Edi Rama, deri ditën që mori tërësisht nën kontroll këtë parti”.
Postimi I plotë:
E nisi karrierën si themelues i “MJAFT”, nga ku bënte thirrje kundër klasës politike.
Më pas iu bashkua të njëjtës klasë, duke sjellë modelin më të shëmtuar në politikë, atë të një politikani me shumë fytyra, që kujdesej për makijazhin apo fasadën.
Sot flet si socialist, ndërkohë që me MJAFT-in e tij sulmonte çdo figurë të socialistëve, përfshi edhe ata që sot dalin e mbledhin vota për të.
Kundër socialistëve e përdori Edi Rama, deri ditën që mori tërësisht nën kontroll këtë parti.
Më pas e përdori për të goditur çdo element tjetër duke i shfrytëzuar në detaje se Erion Veliaj nuk ka asnjë lloj principi për të arritur atë që dëshiron.
