Kreu i Partisë Demokratike, Sali Berisha ditën e sotme ka vijuar takimet elektorale në Dibër ku ikërkoi qytetarëve që të votojnë kandidatin e koalicionit “Bashkë Fitojmë”, Ismail Ukën.
Berisha u shpreh se në 10 vitet e fundit, Rama ka inauguruar 5 herë Rrugën e Arbrit dhe nuk e ka përfunduar asnjëherë.
Gjithashtu Berisha hodhi akuza për Edi Ramën i cili sipas tij shpenzon 22 milionë euro për udhëtime luksoze me avion.
“Edi Rama udhëton me avion, shpenzon 22 mln euro, me dhomë gjumi. Blen vazo 4 mln euro në oborrin e kryeministrisë. Firmos për të vjedhur me djegësat. Çfarë e lidh me atë përveç urrejtjes së ka me Dibrën dhe Veriut se ndihet kushëri me serbët. Nëse do kishte respektin më minimal një rrugë e cila 32 km të së cilës u lanë të përfunduara.
E inauguroi 5 herë gjatë këtyre viteve dhe asnjëherë nuk përfundoi. Rruga e Arbrit ishte shpallur nga qeveria e mëparshme, rruga e dytë e kombit dhe ajo e tillë është dhe do të jetë.
Dibra do të ketë me Ismail Ukën ndryshimin më të madh. Ju garantoj se Ismail Uka me të gjithë dashurinë e tij për ju dhe Dibrën do bëjë gjithçka të ndryshojë jetën tuaj me taksa të ulëta me mbështetje për biznesin dhe fermerët. Pas fitores më 14 Maj Edi Rama do të largohet me ceremoni. Nga njëra anë e pret zemërimi i madh i kombit shqiptar në anën tjetër e pret tradhtari i kombit amerikan, McGonigal sepse ka dhënë ryshfetin dhe drejtësia amerikane do e ndjekë deri ditën e fundit të ditës së jetës”, tha Berisha.
