Një ngjarje e pazakontë raportohet të ketë ndodhur në Selanik.
Një shtetase shqiptare 22-vjeç është vënë në pranga pasi akuzohet se ka lënë vetëm foshnjen në makinë dhe iku për të bërë Pazar.
E reja shoqërohej nga një tjetër femër, 27-vjeçare që gjithashtu është arrestuar.
Arsyeja e arrestimit ishte pasi dy femrat e kishin lënë foshnjën në një makinë për të bërë pazar në një dyqan në zonën e Pylaias!
Foshnja në makinën e parkuar jashtë dyqanit u pikas nga një kalimtar i cili njoftoi policinë.
Sipas dëshmisë së tij, foshnja kishte qenë vetëm për të paktën 40 minuta, ndërsa automjeti ishte i mbyllur dhe me dritare gjysmë të hapura.
Punonjësit e policisë së repartit Pylaia – Hortiatis i gjetën dy shqiptaret brenda në dyqan, ku dhe u arrestuan.
Policia ka ngritur dosjen për ekspozim me rrezik të të miturit për nënën 22-vjeçare por edhe për shoqen e saj 27- vjeçare si bashkëpunëtore, pasi kjo ishte edhe drejtuesja e mjetit.