Një 47-vjeçar ka rënë në prangat e Policisë së Gjirokastrës, pasi akuzohet se ka dhunuar vajzën e tij të mitur.
Blutë bëjnë me dije se në pranga ka rënë shtetasi me iniciale A.LL, ndërkohë është marrë në pyetje edhe e mitura për të mësuar shkaqet e dhunës.
“Ushtroi dhunë fizike ndaj vajzës së tij të mitur, vihet në pranga 47-vjeçari.Specialistët e Seksionit për Hetimin e Krimeve të Komisariatit të Policisë Gjirokastër arrestuan në flagrancë shtetasin A. Ll., 47 vjeç, banues në Gjirokastër, pasi ka ushtruar dhunë fizike ndaj vajzës së tij të mitur”,– njofton policia.
Materialet në ngarkim të shtetasit A. Ll. i kaluan Prokurorisë pranë Gjykatës së Shkallës së Parë të Juridiksionit të Përgjithshëm Gjirokastër, për veprën penale “Dhuna në familje”.
