Sherri në sfidën midis Partizanit dhe Tiranës në kampionatin e femrave të basketbollit ka sjellë çuditërisht reagimin e Besëlidhjes.
Me anë të një reagimi, lezhjanët, të cilët janë në finalen e kampionatit të basketbollit për meshkuj kundër Tiranës, i kanë kërkuar FSHB-së dhe që të merren mesa të rrepta për ndeshjet e ardhshme.
“Duke marrë shkas nga ndeshja e parë finale mes Besëlidhjes dhe Tiranës, problematikat e ndodhura gjatë ndeshjes, si dhe nga ndeshja e fundit e femrave Partizani-Tirana dje ku kanë ndodhur incidente dhune mes lojtareve dhe stafeve të dy ekipeve, kërkojmë nga ana e FSHB si organizatorja kryesore e Kampionatit të Basketbollit, të marrë masa dhe t’u kërkojë ekipeve organizatore shtrëngimin e masave të sigurisë si dhe lajmërimin e forcave të policisë për mbarëvajtjen e ndeshjes pa probleme dhe pa incidente.
Gjithashtu kërkojmë nga ana e FSHB që të bëjë përzgjedhje me seriozitet profesional të arbitrave të ndeshjes, pasi në ndeshjen e fundit arbitrat Edison Gjoni dhe Olti Kasmi me gjithë protestat tona të vazhdueshme kanë lejuar lojën e pisët jashtë rregullave të basketbollit, duke mos i ndëshkuar dy lojtarët e Tiranës, Strazimir dhe Alimani të cilët kanë sharë, fyer dhe goditur me grushte dhe bërryla lojtarët amerikanë gjatë lojës, por edhe jashtë lojës, duke i provokuar lojtarët amerikanë me ngjyrë dhe me fyerje raciste gjatë gjithë ndeshjes. Kjo ka ndodhur me qëllim dhe orientim nga stoli i Tiranës si dhe nga tifozët e Tiranës.
Arbitrat e ndeshjes me mosveprimet e tyre kanë lejuar lojën e egër dhe më shumë përplasje, gjë që ishte në kundërshtim me rregulloren e FSHB. Për këtë arsye, nisur dhe nga incidentet e djeshme në ndeshjen e femrave Partizani-Tirana, lojtarët tanë amerikanë kanë kërkuar mbrojtje nga Ambasada Amerikane në Shqipëri, pasi janë ndjerë të kërcënuar nga lojtarët dhe tifozët e Tiranës.
Në dijeninë tonë, pas kërkesës së sportistëve tonë amerikanë dhe të Partizanit të femrave, Ambasada Amerikane do dërgojë përfaqësuesit e tyre prezent në ndeshje, për të garantuar jetën e qytetarëve të saj, të cilët janë ankuar se ndjehen të kërcënuar.
Ju bëjmë kërkesë dhe njëherë që arbitrat e ndeshjes mos të lejojnë gjatë ndeshjes fyerje e provokime raciste nga lojtarët në drejtim të lojtarëve amerikanë me ngjyrë”, shkruan Shoqata Eagles Basket.
- Por çfarë ndodhi në pallatin e sportit Asllan Rusi?!
Nga dëshmitarët okularë për BoldNews, në “Asllan Rusi” gjatë ndeshjes, vihej re haptazi se gjyqtarët ishin totalisht të njëanshëm duke favorizuar ekipin Besëlidhjes, e drejtuar nga Afrim Bilali. Protestat pa fre të Afrim Bilalit nuk u ndëshkuan për asnjë moment edhe pse ato e kalonin sensin e masës me reagime deri rrugaçërore.
Publiku ku mund të dalloheshin edhe punonjës të Bashkisë së Lezhës shanin në kor fjalë nga më të ndyra në drejtim të tifozëve të Tiranës dhe lojtarëve në fushë.
Ndërkohë, Security “Ndreu Shpk” një lidhje e afërt e kreut të Bashkisë së Lezhës, Pjerin Ndreu, sulmoi tifozë të Tiranës me “bekimin” e policisë së shtetit.
Skena këto tepër të dukshme për të pranishmit dhe që bien në kundërshtim me ankimimin e Besëlidhjes dhe trajnerit të tyre, Afrim Bilali, por që me siguri thirrja e këtij të fundit bëhet që FSHB të caktojë arbitra në rrethin e tij të ngushtë për ta shkatërruar edhe kampionatin kombëtar siç kanë shkatërruar garat e kombëtareve të moshave ku Bilali dhe arbitrat janë ortakë.
- Precedenti Bilali
Afrim Bilali është i vetmi trajner i ekipit kombëtar, por që drejton dhe ekip në superligë që së bashku me një grup arbitrash dhe zyrtarësh të FSHB, ndërhyn brutalisht duke prishur garat në vend.
Raste të tilla nuk mund të gjesh as në Federatat më të harruara të botës, por siç duket në FSHB është traditë që gjyqtarët të kenë ekipe që shëmbëllejnë figurën e Bilalit.
Mund të tingullojë e trishtueshme, por duket si një garë mes njëri tjetrit se kush do e nxijë më shumë garën në të gjitha moshat dhe nivelet garën sportive në vend.
Ndërkohë në lidhje me ankimimin e klubit të Besëlidhjes, ka reaguar edhe trajneri i Tiranës, Erkand Karaj.
Karaj ka ironizuar këto deklarata, ndërsa thekson se një basketbollist serb ka ofenduar me bazë raciale lojtarët shqiptarë duke vënë në një farë mënyrë në pah hipokrizinë e pretendimeve të klubit lezhjan.
Reagimi i Erkand Karaj-t:
