Nga Boldnews.al
Bashkia e Tiranës ka të punësuar mijëra punëtorë në disa ndërmarrje. Nga pastrim gjelbërimi, parqet e rekreacioni, komunalja e të tjera drejtori. Borderoja është e gjatë dhe ajo shtohet sa herë ka zgjedhje, kjo me të vetim qellim; votat e punëtorëve dhe familjarëve. Ndërkohë për pastrime tenderon miliona euro, teksa qytetin e ka ndarë në disa nënzona, për të cilat janë në fuqi kontratat e pastrimit. Por, është edhe një ndërmarrje gjysëm shtetërore, Eco Tirana, e cila tenderon miliona euro çdo muaj për kazanë dhe blerje makinerish pastrimi. Por, të gjitha këto kontrata zerohen kur bëhet fjala për të pastruar apo mirëmbajtur sheshin “Skënderbej”, i cili vetëm për t’u ndërtuar kushtoi dhjetëra miliona euro, të cilat shkuan në xhepat e një firme, “Fusha”. Por, pas ndërtimit, janë tenderuar miliona të tjera për të mirëmbajtur, ndërkohë që siç e përshkruam pak më sipër, vetë bashkia u jep rrogën mijëra punëtorëve.
Para zgjedhjeve dhe veçanërisht gjatë fushatës elektorale, të gjithë punonjësit e bashkive janë 24 orë në punë. Ata iu përgjigjen çdo halli të banorëve, ndërkohë që mbrapa tyre është një “ushtri” e tërë propagande. Në një kantier shkojnë 1 ose 2 puëntorë mirëmbajtje, ndërkohë rreth tyre janë me dhjetëra që bëjnë foto, video apo mbajnë procesverbale, për ti postuar më pas në rrjete sociale, apo për t’u dërguar kronikat e gatshme televizioneve, madje edhe me sinkrone. Ndërkohë, gjatë kësaj kohe, sipas dokumenteve që disponon BoldNews.al, Bashkia e Tiranës ka hapur tenderin me obejkt “mirëmbajtja dhe enaxhimi i sheshit ‘Skënderbej” me një fond limit prej 119.112.119 lekë, ose pak më shumë se 1 milionë euro. Një shumë e konsiderueshme, duke parë se deri më sot ai territor është pastruar nga vetë punonjësit e firmave të pastrimit, të Eco Tirana, të Agjencisë së Parqeve dhe Rekreacionit. Madje, punëtorë me bluza jeshile, me mbishkrime APR janë çdo ditë në atë territor. Por, kush e di se kujt ia ka premtuar këto para’ Lali Eri, që tenderon një punë që duhet ta bënin punëtorët e tij. Në të njëjtin dokument shkruhet se kohëzgjatja e kontratës është “nga lidhja e kontratës/ kontratave deri në plotësimin e nevojave të autoritetit kontraktor sipas kërkesës, në bazë të marrëveshjes kuadër”. Pra, nuk ka një datë fike. Tenderi do të bëhet bëhet në datën 11 maj, vetëm 4 ditë para datës së zgjedhjeve, kjo edhe për të humbur gjurmët, pasi vëmendja do të jetë e kandidatëve.
BoldNews.al shfletoi edhe dokumente të tjera nga tenderi, ku bashkëlidhur është edhe harta se cila pjesë do të pastrohet. Janë pllakat dhe pjesa e gjelbër rreth e qark, e cila në fakt është mirëmbajtur nga Agjencia e Parqeve. Por, ja se çfarë shkruhet në dokumentet e Bashkisë së Tiranës; Sheshi ‘Skënderbej’ ka një variatet materialesh e shtrimesh në sipërfaqen e tij. Këtu parashikohen të gjitha sipërfaqet e shtruara me pllakë guri duke përfshirë sheshin kryesor, sheshet përpara monumenteve të kulturës si ‘Pallati i Kulturës’, Muzeu Kombëtar etj bashkë me shkallaret e tyre si dhe xokolaturat e objekteve të cilat janë të shtruara me pllakë. Ky pastrim do të marrë parasysh 365 ditë të vitit dhe do të parashtrojë mënyrat e ndryshme të mirëmbajtjes duke bërë kategorizimin në bazë të kohës që kërkon çdo metodë për t’u kryer” thuhet në këto dokumente.
