Është tensionuar sërish situata në zyrat qendrore të Agjencisë Shtetërore të Kadastrës.
Banorët e Bërxullës prej mëngjesit të sotëm kanë protestuar në zyrat e Kadastrës duke kundërshtuar projektin për ndërtimin e autostradës Thumanë – Kashar për shkak se u “grabiten” pronat e tyre. Teksa janë shtyrë me policinë private, e cila është vendosur para këtij institucioni, banorët kanë lëshuar akuza në drejtim të zyrtarëve të Hipotekës, duke i quajtur kriminelë.
Gjatë protestës ata janë përplasur dhe me forcat e policisë, pasi kanë kërkuar që kjo e fundit t’i hapë derën dhe ata të bisedojnë me drejtuesit e Hipotekës ku disa nga thirrjet e tyre ishin: “Mos mbroni hajdutët”. “Duam takim me drejtorin”. “S’kemi ardhur të thyejmë pronën, por duam të flasim dhe të kemi një përgjigje”.
Banorët: Çfarë shitet aty?
Protestuesi: Aty është kupola drejtuese që merret me pronat.
Polici privat: Qetësohuni, mos përdorni dhunë. Ne do bisedojmë. Të vijë një përfaqësi prej 2 vetash dhe t’ju çojmë lart. Mos përdorni dhunë.
“‘Duam pronat tona! – Duam pronat tona! – Duam pronat tona!” – Me këto thirrje janë mbledhur sot tek dyert e Kadastrës, protestuesit e fshatit Bërxullë të Tiranës.
Banorët i kishin lënë afat 24 orë, drejtores së Agjencisë Shtetërore të Kadastrës, Dallandyshe Bicit, që t’u jepte tituj e pronësisë, pasi me banesta e tyre dhe tokat ndër vite janë bërë allishverishe.
“I kanë bërë zyrat si bunkerë. Mbroni kriminelët”, ka thënë një banor.
Në momente të caktuar banorët kanë tentuar për të hyrë në institucionin e Kadastrës për të takuar drejtoreshën, Dallëndyshe Bicin, e cila është izoluar brenda dhe nuk del për t’i dhënë asnjë përgjigje qytetarëve të cilët thonë se po u grabiten pronat e tyre.
Rojet e sigurisë për të qetësuar situatën u premtuan banorëve që mos futen me forcë në institucion pasi do të negociojnë për të zhvilluar një takim me përfaqësues të kadastrës. Gjithashtu banorët kanë theksuar se ligji nuk funksionon për hajdutët dhe sekserët.
“Ne jemi në qiell të hapur, nga minuta në minutë mund të dalim m çadra. Punimet vazhdojmë, por projekt nuk ka. Duhet të bëhemi Dallëndyshe si zonja Bici se nuk kemi ku të kalojmë. Duhet të fluturojmë që të kalojmë në anën tjetër. Nuk na japin përgjigje as Kryeministria, as Ministria dhe kemi ngelur në qiell të hapur. Kërkojmë vetëm të zbatohet ligji dhe asnjë më tepër”, tha një protestues.
“Këta nuk e dinë se ku do të ketë mbikalime apo nënkalime. Ne jemi në qiell të hapur, nga minuta në minutë mund të dalim m çadra. Punimet vazhdojmë, por projekt nuk ka. Duhet të bëhemi Dallëndyshe si zonja Bici se nuk kemi ku të kalojmë. Duhet të fluturojmë që të kalojmë në anën tjetër. Nuk na japin përgjigje as Kryeministria, as Ministria dhe kemi ngelur në qiell të hapur. Kërkojmë vetëm të zbatohet ligji dhe asnjë më tepër. Këto po ndërtojnë rrugën të kap ça të kap, të vjedh ça të vjedh dhe më pas të shpalosin projektin në Hipotekë, por nuk mund të vazhdohet kështu. Përse nuk del një grup i posaçëm të bëjë matjet faktike”, thanë protestuesit.
- Banorët e Bërxullës protestojnë për më shumë se 6 muaj, paralajmërojnë vetëgjyqësi
Banorët e Bërxullës prej me shume se 6 muajsh kundërshtojnë projektin e zgjerimit të aksit rrugor ‘Thumanë-Kashar’ i cili prek banesat e tyre.
Kjo nuk është protesta e parë që ndodh nga banorët e kësaj zonë lidhur me këtë shqetësim, pasi ata nuk janë dakord me skemën e shpronësimit të pronave të tyre që preken nga projekti i rrugës. Sipas tyre, çmimi i tregut për pronat e tyre është rreth 50 euro për metër katror, ndërsa atyre u është ofruar një kompensim me rreth 4 euro për metër katror, gjë që ata e kanë refuzuar kategorikisht.
Ata paralajmëruan përshkallëzim të protestës nëse kërkesat e tyre nuk marrin përgjigje, ndërkohë kujtojmë që më herët kanë paralajmëruar se nuk ju jepet një përgjigje, do ta zgjidhin me vetëgjyqësi.
