Deputeti i PD, Ervin Salianji nga Komisioni i Sigurisë tha se ministri i Brendshëm, Bledi Çuçi dhe drejtori i Policisë Muhamet Rrumbullaku duhet të japin shpjegime lidhur me sulmin me tritol në Vaun e Dejës.
Salianji tha se opozita nuk ka marrë shpjegime dhe për kamerat e vendosura nëpër qytetet dhe se pse vriten njerëz përditë, ku bëri apel që autoritet të dënojnë krimin.
“Drejtori nuk të ka ardhur pas kërkesës për kamerat e vendosura nëpër qytet. Pse nuk jeni të shqetësuar ju që ne kërkojmë që të vijë të japë llogari Ministri i Brendshëm dhe drejtori i Policisë, ndërkohë që sot fluturon me tritol kreun i PD në Vaun e Dejës? Kanë frikë të përballen? Po u vriten përditë njerëz, të vijë Çuçi këtu… Pse tritolin e krimit e përdorni ndaj medias, e vendosni ndaj opozitës? Po kërcet kallashi dhe tritoli përditë, a ke guxim ta thuash a jo zoti Qefalia? Keni guxim ta dënoni krimin? Se mirë që nuk e luftoni por dënojeni të paktën…”- tha Salinaji.
